Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin müxtəlif ərazilərində növbəti təmizlik işləri həyata keçirilib.
Gencexeber.az bildirir ki, birliyin Ərazi Xidmət Sahələri əməkdaşları tərəfindən Nizami Gəncəvi prospektində yerləşən "Xəmsə" abidə kompleksində, Hava Limanı yolunda, həmçinin Niyazi Əhmədov və ona paralel küçələrdə iməcilik təşkil olunub.
Aksiya çərçivəsində adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Tullantıların daşınması təmin edilib. Bununla paralel olaraq məişət tullantılarının atılması üçün nəzərdə tutulan müxtəlif tutumlu konteynerlərin və zibil qutularının ətrafları da təmizlənib. Adıçəkilən ərazilərdə mövcud yaşıllıq zolağına aqrotexniki qulluq göstərilib və suvarılması təmin edilib.
