Gəncədə petunya, verbenya, geran, cinerariya, pion, marqarita və sair adda mövsümü güllər əkilir.
Gencexeber.az bildirir ki, mövsümü güllərin əkini Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən şəhərin müxtəlif ərazilərinə aparılıb.
MKTİB-nin müasir istixanalarında yerli mütəxəssislər tərəfindən yetişdirilən güllər şəhərin baş meydanına, Cavadxan küçəsinə, Şah Abbas Cümə məscidinin ətrafına və "Dəyirman" dairəsi adlanan əraziyə xüsusi texnikalar vasitəsilə daşınaraq əkini aparılıb.
Görülən işlərlə yanaşı şöbənin əməkdaşları tərəfindən mövcud yaşıllıqlara, güllərə və dekorativ kol bitkilərinə aqrotexniki qulluq göstərilib, suvarılması da təmin edilib.
Qeyd edək ki, yaşıllaşdırma aksiyası yaz mövsümünün sonuna qədər davam edəcək.
