Gəncə Dövlət Universiteti (GDU) 2026/2027-ci ildə tədris olunacaq kimya və biologiya yönümlü fənlərdən dərs demək üçün ingilis dili üzrə bilik və bacarıqları olan mütəxəssislər axtarır.
Gencexeber.az məlumat verir ki, tədrisi ingilis dilində olan Kimya və biologiya müəllimliyi ixtisasında tədris prosesində iştirak etmək istəyən namizədlərə qoyulan tələblər aşağıdakılardır:
Tədris edəcəyi fənnin profilinə uyğun olaraq Dövlət Proqramı çərçivəsində xaricdə təhsil almalı və ya digər xaricdə təhsil proqramları üzrə ingilis dilli kimya və biologiya proqramlardan məzun olmalıdır;
Beynəlxalq səviyyəli ingilis dili sertifikatlarına (TOEFL (80 və yuxarı), İELTS (6,5 və yuxarı) sahib olmalıdır;
Kimya və biologiya yönümlü fənlərin profilinə uyğun olaraq baza təhsili olmalı, bu sahədə elmi-tədqiqat işləri aparmalı və uyğun iş təcrübəsinə malik olmalıdır;
Kimya və biologiya yönümlü fənlərin profilinə uyğun olaraq yerli və xarici konfranslarda, təlimlərdə və s. iştirak etməlidir.
Minimum magistratura təhsil səviyyəsinin məzunu;
Müvafiq elmi ad və dərəcəsi olanlara üstünlük verilir;
Tədrisin təşkili ilə bağlı bacarıqlar;
Tədris texnologiyalarından (Müasir (innovativ) tədris texnologiyaları, İnteraktiv tədris metodları, Rəqəmsal tədris texnologiyaları və s.) istifadə bacarığı;
Akademik səviyyədə müvafiq fənni bilmək;
Vəzifənin etik davranış qaydalarına sadiqlik.
Dərslər müqavilə əsasında icra olunacaq və əməyin ödənişi saathesabı qaydada həyata keçiriləcək.
Tələblərə cavab verən namizədlər 25 may 2026-cı il tarixədək sənədlərini universitetin İnsan resursları şöbəsinə təqdim edə və ya CV-lərini info@gdu.edu.az e-mail ünvanına göndərə bilərlər.
Ətraflı məlumat üçün 022-266-70-33, 022-266-74-72 nömrələri ilə əlaqə saxlaya bilərsiniz.
