Gəncənin Atabəylər və Qabil Məhərrəmov küçələrində (İmamzadə yolu) təbii qazın təzyiqi ilə bağlı ciddi problemlərin yaşandığı bildirilir.
Gencexeber.az-a daxil olan şikayətlərə görə, hava isti və mülayim olduqda qaz təchizatı normal olsa da, havalar soyuduqca təzyiq artmaq əvəzinə kəskin şəkildə azalır. Nəticədə qaz, demək olar ki, şam alovu kimi zəif yanır.
Bildirilir ki, mövcud vəziyyət sakinlərin gündəlik həyatını ciddi şəkildə çətinləşdirir. Yemək bişirmək, çay dəmləmək və duş qəbul etmək kimi ən zəruri məişət ehtiyaclarını belə normal şəkildə qarşılamaq bəzən mümkün olmur.
Sakinlər müraciətlərinə ciddi yanaşılmasını, ərazidə qaz təzyiqinin aşağı olmasının səbəblərinin araşdırılmasını və problemin aradan qaldırılması üçün zəruri tədbirlərin görülməsini xahiş edirlər.
Məsələ ilə bağlı redaksiyamız tərəfindən Gəncə Regional Qaz İstismar İdarəsinə sorğu ünvanlanıb.
