Gəncədə kişi həyat yoldaşına balta ilə xəsarət yetirib.
Gencexeber.az-ın məlumatına görə, şəhər sakini, 1985-ci il təvəllüdlü S.Cəfərova bədənin müxtəlif nahiyələrindən açıq yaralarla xəstəxanaya yerləşdirilib.
Hadisənin məişət zəminində baş verdiyi bildirilir. Hadisə yerinə polis əməkdaşları cəlb olunub, faktla bağlı araşdırma aparılır.
Gəncə Şəhər Birləşmiş Xəstəxanasından verilən məlumata əsasən, 21.04.2026-cı il tarixində saat 02:20 radələrində 1 nəfər (qadın) Abbas Səhhət adına xəstəxananın Təcili tibbi yardım şöbəsinə hospitalizasiya olunub:
"1985-ci il təvəllüdlü şəxsə baş, boyun və çiyin nahiyələrinin kəsilmiş yarası diaqnozu təyin olunub və zəruri tibbi yardım göstərilib. Vəziyyəti orta ağır qiymətləndirilən pasiyentin müalicəsi Cərrahiyyə şöbəsində davam etdirilir".
