Gəncədə xəstəxana əsaslı təmir edilir.
Gencexeber.az məlumat verir ki, söhbət şəhərin Nizami prospekti 412 ünvanında yerləşən Gəncə Şəhər Birləşmiş Xəstəxanasının Üzeyir Hacıbəyli adına Ailə Sağlamlıq Mərkəzindən gedir.
Məlum olduğu kimi, ötən ilin sonunda tibb müəssisəsinin müasir standartlara uyğunlaşdırılması məqsədilə əsaslı təmir işləri üçün 1 milyon 159 min 188 manat vəsait ayrılıb.
Hazırda binada köhnə pəncərələr yeniləri ilə əvəz olunub, fasad və daxili hissədə rənglənmə işləri aparılır. Təmir çərçivəsində tavanlar, döşəmələr, pilləkənlər, qapılar və digər konstruksiyalar da yenilənir.
Bundan əlavə, mərkəzin qarşısında abadlıq işləri görülür, səkilər tamet daşları ilə döşənir.
