Gəncədə Dədə Qorqud küçəsi 82 ünvanında yerləşən binaların qarşısındakı çuxurlar sakinlərin narazılığına səbəb olub.
Gencexeber.az-a şikayət ünvanlayan sakinlərin sözlərinə görə, ərazidə uzun müddətdir asfalt örtüyü yenilənmədiyinə görə yolun müxtəlif hissələrində iri çuxurlar yaranıb. Xüsusilə yağışlı havalarda həmin çuxurlar su ilə dolur və binaların qarşısında iri gölməçələr əmələ gəlir.
Sakinlər deyirlər ki, gölməçələrə görə binaya girib-çıxmaq çətinləşir, uşaqlar və yaşlılar isə ərazidən keçərkən çətinliklə üzləşirlər.
Yerli sakinlər aidiyyəti qurumlardan problemin aradan qaldırılmasını, binaların qarşısının asfaltlanmasını tələb edirlər.
