"Şəhərsalma və Memarlıq İli" çərçivəsində Gəncə-Daşkəsən Regional Mədəniyyət İdarəsi tərəfindən həyata keçirilən abadlıq və yaşıllaşdırma tədbirləri davam etdirilir.
Gencexeber.az bildirir ki, bu istiqamətdə görülən işlər çərçivəsində Nizami Gəncəvi Muzeyinin ərazisində yaşıllıq zonalarının genişləndirilməsi məqsədilə növbəti tədbir təşkil olunub.
Tədbir zamanı ümumilikdə 50 ədəd müxtəlif növ meyvə ağacı əkilib. Aksiya ərazinin ekoloji vəziyyətinin yaxşılaşdırılmasına, yaşıllıq sahələrinin artırılmasına və ziyarətçilər üçün daha sağlam və estetik mühitin yaradılmasına xidmət edir.
