Gəncə şəhidi Natiq Əliyevin qızı Zeynəb bu gün birinci sinfə qədəm qoydu.
Gencexeber.az məlumat verir ki, Zeynəb Əliyeva Gəncə şəhər Mirzə Abbas Abbaszadə adına 20 nömrəli tam orta məktəbin 1-ci sinfində təhsil alacaq.
Qeyd edək ki, Natiq Əliyev 22 may 1989-cu ildə Gəncə şəhərində anadan olub. O, 2015-ci ildən 2021-ci ilin 16 noyabrınacan Azərbaycan Ordusunun müddətdən artıq həqiqi hərbi xidmət hərbi qulluqçusu (MAXE), Kiçik çavuş kimi fəaliyyət göstərib.
2016-cı ildə Aprel döyüşlərinin iştirakçısı olub.
2021-ci il noyabrın 16-sı başlanan hərbi əməliyyatlarda iştirak edən kiçik çavuş Natiq Əliyev 16 noyabr 2021-ci ildə cəbhənin Laçın rayonu istiqamətində antiterror əməliyyatını yerinə yetirərkən şəhid olub. 17 noyabr 2021-ci ildə onun nəşi ailəsinə təhvil verilmiş və doğulduğu Gəncə Şəhidlər Xiyabanında dəfn edilib.
