Gəncə şəhər Abbas Səhhət adına xəstəxanada mövcud vəziyyətlə bağlı narazılıqlar var.
Gencexeber.az-a məsələ ilə bağlı şikayət ünvanlayan xəstələr və yaxınlarının sözlərinə görə, tibb müəssisəsindəki şərait acınacaqlıdır.
İddialara əsasən, xəstəxanada istifadə olunan xərək və çarpayıların təkərləri qırıq vəziyyətdədir. Bu səbəbdən xəstələrin şöbələr arasında daşınması zamanı çətinliklər yaranır. Bundan başqa, dəhliz və palataların döşəmələrində çökəkliklərin əmələ gəldiyi, bəzi qapıların isə əsgi parçaları ilə bağlandığı bildirilir.
Şikayətçilərin sözlərinə görə sanitar qovşaqlarda su gəlmir, unitazlar istifadə edilməməsi üçün skoçlanıb.
Xəstə yaxınları bildirirlər ki, belə şəraitdə müalicə alan insanların vəziyyəti daha da ağırlaşır.
