Bakı şəhərində yerləşən Sərhədçi Olimpiya İdman Kompleksində MMA və grappling idman növləri üzrə Ümummilli Lider Heydər Əliyevin anadan olmasının 103-cü ildönümünə həsr olunmuş "Legion Döyüş Çempionatı" keçirilib.
Gencexeber.az məlumat verir ki, müxtəlif yaş qrupları üzrə təşkil edilən turnirdə 500-dən çox idmançı qüvvəsini sınayıb.
Yarışda Gəncəni təmsil edən "Gəncə MMA Mərkəzi"nin grappling üzrə 3 idmançısı iki qızıl, biri isə gümüş medal qazanaraq uğurlu nəticə göstərib:
– Eyvaz Mehdiyev (U20, +100 kq) – 1-ci yer;
– Ömər Məmmədov (14-15 yaş, 53 kq) – 1-ci yer;
– Həsən Verdiyev (14-15 yaş, 53 kq) – 2-ci yer.
İdmançılar "Gəncə MMA Mərkəzi"nin grappling üzrə məşqçisi Əjdər Alıyevin rəhbərliyi altında turnirdə iştirak ediblər.
Qeyd edək ki, yarışda Gəncədən 3 hakim də iştirak edib - beynəlxalq dərəcəli hakim Xəyal Əmrahov, Respublika dərəcəli hakimlər Seymur Layıcov və Əjdər Alıyev.
