Türkiyədə 18 aprel - 4 may tarixlərində “Trabzon Beynəlxalq Teatr festival”ı keçirilir.
Gencexber.az-a bu barədə Gəncə Dövlət Milli Dram Teatrının Ədəbi-hissə müdiri, teatrşünas-tənqidçi Anar Ərtoğrul Burcəliyev məlumat verib.
Onun sözlərinə görə, festivalda yerli teatrlarla bərabər Gürcüstan, Özbəkistan və Azərbaycan nümayəndələri də iştirak edir:
“Bu festivalda Azərbaycanı Gəncə Dövlət Milli Dram Teatrı Ə.Nesinin “Toros canavarı” tamaşası ilə təmsil edir. Tamaşa aprelin 25-də “Hamamızade İhsan bey kültür merkezi”nin səhnəsində nümayiş olunacaq”.
Anar Ərtoğrul Burcəliyev həmçinin bildirib ki, yaradıcı kollektiv 26 aprel 2025-ci il tarixində qastrol səfərindən vətənə dönəcək.
