Gəncə Dövlət Milli Dram Teatrı Türkiyənin Trabzon Böyükşəhər Bələdiyyəsi və Trabzon Teatrlar Assosiasiyasının birgə təşkilatçılığı ilə V Trabzon Beynəlxalq Teatr Festivalında Ə.Haqverdiyevin "Pəri cadu" tamaşası ilə iştirak edib.
Gencexeber.az bildirir ki, quruluşçu rejissoru Elşad Əhmədov, quruluşçu rəssamı Mehdi Hüseynov olan tamaşada əməkdar artistlər Sevda Orucova, Kəmalə Məmmədova, Salamulla İsmayılov aktyorlar Murad Meyfaliyev, Günay Cabbarova , Elmir Məmmədov, Sevinc Hüseynova və Emil Salmanov iştirak ediblər.
Adı çəkilən festivalın beynəlxalq əlaqələr üzrə koordinatoru Gəncə Dövlət Milli Dram Teatrının aktyoru, Avrasiya Teatrlar Birliyinin Azərbaycan üzrə təmsilçisi Yusif Cəfərovdur.
Qeyd edək ki, teatr festivala Mədəniyyət Nazirliyinin dəstəyi ilə qatılıb.
