Xəbər verdiyimiz kimi, Gədəbəy şəhərinin girişində, "R-22 Şəmkir–Gədəbəy" avtomobil yolunun 46-cı kilometrliyində, körpülərin yaxınlığındakı təpəlik ərazilərə kütləvi şəkildə məişət tullantıları atılıb.
Gencexeber.az-a daxil olan məlumata görə, yaranmış antisanitar vəziyyət polisin müşayiəti ilə əraziyə cəlb olunan aidiyyəti dövlət orqanları tərəfindən aradan qaldırılıb.
Qeyd edək ki, şəhərə daxil olan zaman qarşıya çıxan ilk mənzərənin zibillik olması həm sakinlərin, həm də sürücülərin narazılığına səbəb olmuşdu. Bildirilirdi ki, ərazidən yayılan qoxu vəziyyəti daha da ağırlaşdırır.
