Gəncəli yeniyetmə taekvondoçu Birləşmiş Ərəb Əmirliklərində (BƏƏ) uğurlu çıxışı ilə yadda qalıb.
Gencexeber.az məlumat verir ki, BƏƏ-də “Fujairah Open” beynəlxalq turniri keçirilib. Ölkəmizi təmsil edənlərin arasında Gəncə şəhər 12 nömrəli tam orta məktəbin şagirdi Fidan Muxtarzadə çıxış etdiyi 29 kiloqram çəki dərəcəsində gümüş medal əldə edib.
F.Muxtarzadə Qazaxıstan, BƏƏ və Yunanıstan təmsilçilərini yenərək finala adlayıb. Lakin sonuncu mərhələdə İordaniya idmançısının müqavimətini qıra bilməyib.
Qeyd edək ki, Azərbaycanın yeniyetmə taekvondoçuları “Fujairah Open” beynəlxalq turnirində 6 medal əldə ediblər.
Məlumat üçün bildirək ki, Göygöl Olimpiya idman kompleksində taekvondo ilə artıq iki ildir məşğul olan F.Muxtarzadə Elvira Nəsirovanın tələbəsidir. O, 2024-cü ilin dekabr ayında yeniyetmələr arasında keçirilən ölkə birinciliyində ikinci yerə layiq görülərək taekvondo üzrə yeniyetmələrdən ibarət milli komandanın üzvü seçilib.
[caption id="attachment_78918" align="alignnone" width="696"]
[/caption]
[caption id="attachment_78920" align="alignnone" width="696"]
[/caption]
