Bakıda pauerliftinq üzrə Respublika çempionatı keçirilib.
Gencexeber.az məlumat verir ki, yarışa qatılan Gəncə sakini Fatimə Qurbanova üç hərəkəti uğurla yerinə yetirib. O, çöməlmə ilə 100 kq, uzanaraq sinədən 65 kq və yerdən qaldıraraq 110 kq çəkilərin öhdəsindən gəlib.
Gəncəli xanım topladığı 57.573 xalla özündən daha ağır çəkili olan qadınları arxada qoyaraq mütləq çempion elan edilib. Birinci yerə layiq görülən F.Qurbanova gənclər və idman naziri Fərid Qayıbov tərəfindən diplom və medalla təltif edilib.
