Gəncə Dövlət Universitetinin tələbəsi nailiyyətlərinə görə fərqlənməyi bacarıb.
Gencexeber.az-ın əldə etdiyi məlumata əsasən, “Azərbaycan Tələbələri” təhsil səhifəsi tərəfindən keçirilən müsabiqənin ilkin nəticələri elan olunub. Fəaliyyəti dövründə əldə edilən uğurlu nəticələrinə görə "İlin Tələbələri" layihəsində Kimya və Biologiya üzrə Ləman Rüstəmli ilin tələbəsi adına layiq görülüb.
O, adları aşağıda qeyd edilən mövzularda 15 elmi məqalənin müəllifidir:
- Genetika;
- Seleksiya;
- Poliplodiya;
- İrsiyyət və dəyişkənlik;
- İrsiyyətin izlənilməsi;
- İrsiyyətdə ilişiklilik;
- Genetik xəstəliklər;
- Molekulyar genetika;
- Sitologiya;
- Xromosomların irsiyyətə təsiri;
- Meyoz bölünmə;
- İrsiyyətin molekulyar əsasları;
- Əlamətlərin sərbəst paylanması;
- Xromosom və irsiyyət;
- Poliplodiya.
Qeyd edək ki, Ləman Nəriman qızı Rüstəmli 2001-ci il fevralın 25-də Gəncədə dünyaya gəlib. 2018-ci ildə Gəncə şəhəri 3 nömrəli tam orta məktəbi bitirib. Həmin ildə Gəncə Dövlət Universitetinin "Kimya və Biologiya" ixtisasına qəbul olunub. 2022-ci ildə bakalavr təhsilini fərqlənmə ilə başa vurub. Həmin təhsil ocağının "Yüksək Molekullu Birləşmələr Kimyası" ixtisası üzrə magistratura pilləsinin II kursunda təhsilini davam etdirir.
