Xəbər verdiyimiz kimi, “Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirərkən Aktau şəhəri yaxınlığında qəzaya uğrayan “Embraer 190” təyyarəsinin ekipaj üzvləri arasında stüardessa vəzifəsində çalışan Gəncə şəhər sakini Hökümə Əliyeva da olub.
Gencexeber.az-a H.Əliyevanın yaxınlarından verilən məlumata görə, o, qəza zamanı həyatını itirib. Əlavə edilib ki, müvafiq tibbi müəssisəyə dəvət edilən qardaşı artıq DNT analizi də verib.
Məlumat üçün bildiririk ki, əslən Kəlbəcərdən olan H.Əliyeva Gəncədə yaşayıb. O, təxminən 3-4 il əvvəl stüardessa olaraq işə başlayıb.
Qeyd edək ki, Hökümə Əliyevanın adının sağ qalan 29 nəfərin siyahısında olmamasına baxmayaraq, vəfat etməsi barədə rəsmi məlumat yoxdur.
