“Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirərkən Aktau şəhəri yaxınlığında qəzaya uğrayan “Embraer 190” təyyarəsinin ekipaj üzvləri arasında Gəncə şəhər sakini Hökümə Əliyeva da olub.
Gencexeber.az-ın məlumatına əsasən, stüardessa Hökümə Əliyeva əslən Kəlbəcərdən olan Gəncə şəhər sakinidir.
Hökümə Əliyevanın adının sağ qalan 29 nəfərin siyahısında olmamasına baxmayaraq, vəfat etməsi barədə rəsmi məlumat yoxdur.
Qeyd edək ki, ailəli olan H.Əliyeva Bakı Dövlət Universitetinin hüquq fakültəsində magistr və doktorantura təhsili alıb. Onun qardaşı Coşqun Nəsibli isə tarix müəllimdir. Atası məktəb direktoru olub.
Humay İsgəndərli
[caption id="attachment_73940" align="alignnone" width="300"]
FOTO: Gencexeber.az[/caption]
