Gəncədə tarixi bina gözümüzün qarşısında, sözün əsl mənasında, məhv olur.
Gencexeber.az məlumat verir ki, 1909-cu ildə inşa edilən tikili şəhərin Atatürk prospektində yerləşir. Bu bina vaxtilə şəhərin memarlıq irsinin əsl simvollarından biri idi.
Lakin tikiliyə lazımi qulluq göstərilmədiyindən tam yararsız vəziyyətə düşüb.
Dam uçub, pəncərələri sınıb, fasad isə zamanın və xarici mühitin dağıdıcı təsirlərinin izləri ilə əhatə olunub. Yerli sakinlər bu cür əhəmiyyətli tikililərin tarixi dəyərini itirərək sadəcə piyadalar üçün təhlükə mənbəyinə çevrilməsindən narahatdırlar.
