"Yaşıl dünya naminə həmrəylik ili" çərçivəsində Gəncədə növbəti aksiya baş tutub.
Gencexeber.az Mənzil Kommunal Təsərrüfatı İstehsalat Birliyinin (MKTİB) Mətbuat Xidmətinə istinadən məlumat verir ki, şəhərinin estetik görünüşünə və ekoloji tarazlığına müsbət təsir göstərən yaşıllıq zollaqları genişləndirilir.
Bu məqsədlə MKTİB-nin Yaşıllaşdırma şöbəsinin Gülçülük sahəsində beçərilən müxtəlif cins ağac tinglərinin şəhərin yaşıllıq zolaqlarına köçürülməsi həyata keçirilib. Bakı-Qazax avtomaqistralının Gəncə şəhər ərazisindən keçən hissəsinin sağ və sol tərəflərinə, "İmamzadə" ziyarətgah kompleksi yolunda, "Mida" yaşayış kompleksinin qarşısında, Avtozavod yolunun üzərində eldar şamı, palıd, leylandra və oleandra kimi müxtəlif növ ağac tingləri əkilib. Əkilən fidanlara aqrotexniki qulluq göstərilib, yeni və mövcud yaşıllıqların suvarılması təmin edilib.
Qurumdan bildirilib ki, "Yaşıl dünya naminə həmrəylik ili" çərçivəsində Gəncə şəhərində mütəmadi həyata keçirilən yaşıllıq aksiyası payız mövsümünün sonuna qədər davam edəcək.
[caption id="attachment_70676" align="alignnone" width="696"]
[/caption]
[caption id="attachment_70675" align="alignnone" width="696"]
[/caption]
[caption id="attachment_70674" align="alignnone" width="696"]
[/caption]
