Xəbər verdiyimiz kimi, Gəncə şəhər S.Vəliyev adına 34 nömrəli tam orta məktəbin müəllimi şagirdini döyüb. Gəncə-Daşkəsən Regional Təhsil İdarəsi məsələni araşdırdıqdan sonra təhsil müəssisəsinin ingilis dili müəllimi Cavid Rzayevlə bağlanmış əmək müqaviləsinə xitam verilib.
Gencexeber.az məlumat verir ki, 34 nömrəli tam orta məktəbin 5c sinfinin 32 şagirdi təhsil ocağının qarşısında toplaşaraq rəhbərləri olmuş ingilis dili müəllimi Cavid Rzayevin tədris prosesinə qaytarılmasını tələb ediblər.
Redaksiyamıza daxil olan məlumata əsasən, C.Rzayevin işdən ayrılmasından sonra sözügedən məktəblilərin dərsə davamiyyətində fasilə yaranıb. İddia olunub ki, onlar məktəbə yollanmaqdan imtina edərək sinif rəhbərlərinin işə qaytarılmasını istəyirlər.
