Gəncənin tarixi-mədəni yerlərindən biri olan İmamzadə dini kompleksində qəbiristanlığın tullantılarla çirklənməsinə dair mütəmadi olaraq şikayətlər olunur.
Gencexeber.az məlumat verir ki, məzarların ətrafı zibillənib, onların özünü isə yabanı otlar örtüb. Yerli sakinlərin sözlərinə görə, məzarlığa üz tutan şəxslər məsuliyyətsiz davranışları ilə buranı bu hala salıblar.
Hörmət və anım yeri tərk edilmiş əraziyə çevrilir, burada təkcə estetik görünüş pozulmur, həm də xəstəliklərin yayılmasına şərait yaradılır.
Mövcud vəziyyət bu ehtiram və xatirə ocağının, həmçinin tarixi irsin ləyaqətli vəziyyətdə qorunub saxlanması üçün həm aidiyyəti qurumların təcili müdaxiləsini, həm də vətəndaşların davranışının dəyişdirilməsini tələb edir.
