Gəncədə uşaqlar üçün pulsuz psixoloji tədbir keçiriləcək.
Gencexeber.az-ın əldə etdiyi məlumata görə, "Səssiz sinema" adlı tədbir martın 16-sı saat 12:00-da nümayiş etdiriləcək. Burada uşaqlar vaxtlarını səmərəli keçirəcək, əylənəcək və ünsiyyət bacarıqlarını inkişaf etdirəcəklər.
Tədbirin keçirilməsində məqsəd uşaqların psixoloji vəziyyətini nəzərə alaraq təfəkkürünü inkişaf etdirmək, həmçinin cəmiyyətdə özünü ifadə etmək üçün mimika və jestlərdən istifadə etməkdir. Tədbir çərçivəsində “səssiz sinema” oyunu da oynanılacaq.
Yaşı 10-15 aralığında olan uşaqların dəvət olunduğu tədbirdə iştirak etmək üçün ödəniş tələb edilmir. Qrup oyunu loqoped və defektoloq Aytac Əliyeva tərəfindən keçiriləcək.
Əvvəlcədən qeydiyyat mütləqdir. Bunun üçün (055) 229 78 44 mobil telefon nömrəsi ilə əlaqə saxlamaq lazımdır.
Tədbir Gəncə İnkişaf Mərkəzində (Molla Pənah Vaqif küçəsi, dalan 7 (Gəncə şəhər M.Ə.Sabir adına 5 nömrəli tam orta məktəbin qarşısı) təşkil ediləcək.
