“ANİMAFİLM Gəncədə” festivalı keçiriləcək.
Gencexeber.az-a Azərbaycan Animasiya Assosiasiyasından verilən məlumata əsasən, 7-ci ANİMAFİLM Beynəlxalq Animasiya Festivalı çərçivəsində fevralın 27-28-də “ANİMAFİLM Gəncədə” festivalı təşkil olunacaq.
Festivalda uşaqlar və böyüklər üçün yerli və xarici animasiya filmlərinin nümayişləri, müzakirələr və səsvermə nəzərdə tutulub. Tədbir Gəncə Dövlət Kukla Teatrında baş tutacaq, iştirak ödənişsizdir.
Qeyd edək ki, Azərbaycan Animasiya Assosiasiyası milli animasiya kino sənətinin inkişafına dəstək vermək məqsədilə 2018-ci ildən etibarən Bakıda ANİMAFİLM Beynəlxalq Animasiya Festivalını keçirir. Festival Azərbaycan Animasiya Assosiasiyasının təşkilatçılığı və Mədəniyyət Nazirliyinin dəstəyi ilə təşkil olunacaq.
