Gəncə şəhər ərazisində bir neçə gündür hökm sürən qeyri-sabit və yağıntılı hava şəraitindən sonra Mənzil Kommunal Təsərrüfatı İstehsalat Birliyi (MKTİB) tərəfindən şəhərin yollarında, küçə və prospektlərində geniş şəkildə təmizlik işləri həyata keçirilib.
Gencexeber.az MKTİB-ə istinadən bildirir ki, budəfəki aksiya şəhərin Heydər Əliyev və Şah İsmayıl Xətai prospektində, Zülfü Hacıyev, Abbas Səhhət, Yusif Bağırov, Əblulla Gəncəvi və digər küçələrdə təşkil olunub. Adıçəkilən ərazilər məişət tullantılarından, toz-torpaqdan və alaq otlarından təmizlənib. Mövcud zibil konteynerlərinin ətrafında səliqə-sahman yaradılıb.
Bundan əlavə MKTİB-nin Ərazi Xidmət Sahələrinin, Təmizlik şöbəsinin əməkdaşları və Qəza xidməti briqadaları tərəfindən Gəncədə avtomobillərin və piyadaların normal hərəkətinin təmin edilməsi məqsədilə prospekt və küçələrdə haşiyələr, səkilər, yol kənarları, yol nişanları, yeraltı keçidlər, işıq dirəkləri, dayanacaqlar xüsusi təyinatlı texnikalar vasitəsilə təzyiqli su ilə yuyularaq toz-torpaqdan təmizlənir. Mövcud yaşıllıqlara aqrotexniki qulluq göstərlib, suvarılması təmin edilib.
Təmizlik aksiyasının qarşıdakı günlərdə də şəhərin müxtəlif əraziləri üzrə həyata keçirilməsi nəzərdə tutulur.
[caption id="attachment_80311" align="alignnone" width="696"]
[/caption]
[caption id="attachment_80310" align="alignnone" width="696"]
[/caption]
[caption id="attachment_80309" align="alignnone" width="696"]
[/caption]
[caption id="attachment_80308" align="alignnone" width="696"]
[/caption]
[caption id="attachment_80307" align="alignnone" width="696"]
[/caption]
