Gəncədə qəza baş verib.
Gencexeber.az-ın məlumatına görə, hadisə şəhərin Nizami Gəncəvi prospektində "Ramada Plaza by Wyndham Gəncə" hotelinin yaxınlığında saat 23:00 radələrində baş verib.
Hərəkətdə olan "Opel" markalı minik avtomobilinin sürücüsü sürət həddini aşaraq hoteli qarşısındakı dərin çuxurun üzərindən keçib. Bu səbəbdən kişi idarəetməni itirib. Nəqliyyat vasitəsi əvvəlcə yolun kənarındakı bordürləri aşıb, daha sonra aqlay daşlarla döşənmiş dekorativ kollara çırpılıb.
Nəticədə sürücü çiynindən, avtomobildə olan sərnişin isə ayağından xəsarət alıb.
Hadisə yerinə polis əməkdaşları və təcili tibbi yardım briqadası cəlb edilib. Hər iki şəxs xəstəxanaya çatdırılıb.
Faktla bağlı araşdırma aparılır.
