Bu il Gəncənin ev sahibliyi edəcəyi III MDB Oyunlarının vaxtı açıqlanıb.
Gencexeber.az xəbər verir ki, bu barədə yarışın keçirilməsi üzrə yaradılan Təşkilat Komitəsinin ilk iclasında məlumat verilib.
İclasda qeyd olunub ki, III MDB Oyunları 23 idman növü üzrə təşkil edilməklə “2025-ci ildə Müstəqil Dövlətlər Birliyinin idman paytaxtı” olan Gəncədə və ölkəmizin digər 6 şəhərində sentyabrın 28-dən oktyabrın 8-dək müddətdə keçiriləcək.
Gəncədə 8, Mingəçevirdə 4, Qəbələdə 4, Şəkidə 3, Göygöldə 2, Yevlaxda 1 və Xankəndidə 1 idman növü üzrə yarışlar təşkil ediləcək.
Komandamızın ev oyunlarını keçirdiyi Gəncə İdman Sarayı əsas yarış məkanlarından biri olacaq.
