Gəncədə bir qrup sakin küçələrinin halı ilə bağlı vəziyyəti dilə gətiriblər.
Gencexeber.az məlumat verir ki, şəhərin Sadıllı qəsəbəsinin İmran Qasımov küçəsində yaşayan vətəndaşlar ərazinin baxımsız qalmasından şikayət edirlər. Onların sözlərinə görə, ətraflarında olan əksər yollarda artıq abadlıq işləri görülüb. Lakin adıçəkilən küçə bir növ kənarda qalıb.
“Bu küçədə hər bir şəraiti özümüz yaratmışıq. Uşaqlar palçığın içində hərəkət edirlər. Gəncə Şəhər İcra Hakimiyyətinin başçısı Niyazi Bayramovdan xahiş edirik ki, bizim küçəyə də nəzər yetirsin” – sakinlərdin biri bildirib.
