Gəncə şəhər sakini təhlükəli kəsişmədə piyada keçidinin olmamasından şikayətlənib.
Gencexeber.az-a daxil olan şikayətdə sakin bildirir ki, sözügedən hal şəhərin Əli Məmmədov və Həsən bəy Zərdabi küçələrinin kəsişməsində Gəncə şəhər 3 nömrəli şəhər poliklinikasının qarşısında müşahidə edilir.
“Səbiskar qəbiristanlığından gələn, yaxud qarşıdan yolu keçmək istəyən necə keçsin bu yolu? Öz gözümün şahidiyəm, səhər saatlarında avtomobil sürücüsü uşaqlı qadınla yolun ortasında mübahisə ediblər. Əslində heç birinin günahı yoxdur” - sakin söyləyib.
O, əlavə edib ki, ərazidə piyadaların təhlükəsiz hərəkətinin təmin edilməsi üçün təxirəsalınmaz tədbirlər görülməlidir: “Burada piyada keçidi olmalıdır”.
