Gədəbəydə çörəkbişirmə sexində zəhərlənən qadınların son vəziyyəti açıqlanıb.
Gencexeber.az-ın sorğusuna cavab olaraq Tibbi Ərazi Bölmələrini İdarəetmə Birliyindən bildirilib ki, ötən gün saat 13:00 radələrində dəm qazından zəhərlənmə səbəbilə 3 nəfər (qadın cinsli) Gədəbəy Rayon Mərkəzi Xəstəxanasına hospitalizasiya olunub.
1972, 1986 və 1978-ci il təvəllüdlü şəxslər zəruri tibbi xidmətlər göstərildikdən sonra ambulator müalicə üçün evə buraxılıblar.
21:40
Gədəbəydə çörəkbişirmə sexində 3 nəfər dəm qazından zəhərlənərək xəstəxanaya yerləşdirilib.
Gencexeber.az-ın məlumatına görə, Gədəbəy şəhər ərazisində yerləşən çörəkbişirmə sexində çalışan 1976-cı il təvəllüdlü X.Həsənova, 1971-ci il təvəllüdlü P.Sadıqova və 1986-cı il təvəllüdlü S.Hüseynova dəm qazından zəhərləniblər.
Zərərçəkənlər xəstəxanaya çatdırılıb, vəziyyətləri kafi qiymətləndirilir.
Faktla bağlı araşdırma aparılır.
