Gəncə sakinləri İrandan Azərbaycana qaçaqmalçılıq yolu ilə narkotik keçirmək istəyərkən saxlanılıblar. Bu haqda 17 mart tarixində DSX-yə istinadən xəbər veririk.
Mart ayının 17-si saat 04:00 radələrində Dövlət Sərhəd Xidmətinin (DSX) Sərhəd Qoşunlarının “Göytəpə” sərhəd dəstəsinin İmişli rayonu, Hacırüstəmli kəndi yaxınlığında yerləşən sərhəd zastavasının xidməti ərazisində narkotik vasitələrin İrandan qaçaqmalçılıq yolu ilə Azərbaycana keçirilməsinin qarşısı alınıb.
Keçirilən sərhəd axtarışı və əməliyyat tədbirləri nəticəsində Gəncə şəhər sakinləri - Həsənov Arzu Yusif oğlu və Osanlı Elçin Firuz oğlu şübhəli şəxslər qismində saxlanılıblar.
Saxlanılan şəxslərin üzərinə baxış zamanı ümumi çəkisi 3 kq 400 qr narkotik vasitə aşkar olunaraq götürülüb.
Fakt üzrə əməliyyаt-istintaq tədbirləri dаvаm еtdirilir.
