Basketbol üzrə keçirilən Azərbaycan kubokunun qalibi Gəncə komandası oldu. Bu haqda 27 mart tarixində Gəncəxəbər.az xəbər verir.
Turnirin finalında "Gəncə" və NTD klubları üz-üzə gəliblər. Oyunun əsas vaxtı 85:85 hesabı ilə başa çatdığından əlavə vaxt oynanılıb. Yekunda 100:89 hesabı ilə qələbə qazanan gəncəlilər kuboka sahib çıxıblar.
Həlledici görüşün ən dəyərli basketbolçusu "Gəncə" komandasının oyun qurucusu Kollin Törner seçilib. O həm də komandasının ən məhsuldar oyunçusu (38 xal, 13 ribaund) olub.
Mükafatlandırma mərasiminə gənclər və idman nazirinin müavini Mariana Vasileva, Azərbaycan Basketbol Federasiyasının rəyasət heyətinin üzvləri Bəxtiyar Aslanbəyli, Simuzər Feyzullayeva, Elnur Əliyev və Vilayət Vəliyev də qatılıblar.
Kuboku "Gəncə" komandasının kapitanı Amil Həmzəyevə M. Vasileva təqdim edib.
Qeyd edək ki, qalib komandaya 20 min manat mükafat təqdim olunub.
[caption id="attachment_34808" align="alignnone" width="300"]
açıq mənbə[/caption]
