Gəncə sakini narkotikə görə saxlanılıb. Bu haqda 28 fevral tarixində DİN-ə istinadən məlumat veririk.
Zaqatala Rayon Polis Şöbəsinin əməkdaşları əməliyyat keçiriblər. Nəticədə Gəncə şəhər sakini Mövsüm İsgəndərov saxlanılıb. O, əcnəbi narkotacirlə əlbir olaraq, narkotik satmaqda şübhəli bilinib.
Saxlanılan şəxsin üzərində daşıdığı çantaya baxış keçirilərkən 2 kiloqrama yaxın marixuana, 20 ədəd metadon həbi, 34 qram tiryək, 22 qram metamfetamin və heroin aşkar edilib. Araşdırma zamanı İsgəndərovun həmin narkotik vasitələri sosial şəbəkədə tanış olduğu iranlı narkotacirdən onlayn yolla aldığı və həmin şəxsin göstərişi ilə Gəncəyə apararaq orada satmaq istəməsi müəyyən olunub. O, əvvəlcədən fotoşəkillər vasitəsilə ona göndərilən Zaqatala rayonundakı ünvandan narkotik vasitələri götürüb getmək istəyən zaman polis əməkdaşları tərəfindən yaxalanaraq istintaqa təhvil verilib.
Faktla bağlı cinayət işi başlanıb. Əməliyyat-istintaq tədbirləri davam etdirilir.
[modula id="55544"]
