Gəncə aktyorları Bakıda tamaşa nümayiş etdirəcəklər. Bu haqda 3 iyun tarixində Azərbaycan Dövlət Kukla Teatrına istinadən məlumat veririk.
Heydər Əliyevin 100 və Azərbaycan peşəkar milli teatrının yaranmasının 150 illiyi ilə əlaqədar Mədəniyyət Nazirliyinin dəstəyi, Azərbaycan Dövlət Kukla Teatrının təşkilatçılığı ilə ilk “Kukla Teatrları Həftəsi” olacaq. 5 gün ərzində ölkənin bütün kukla teatrları bir məkana toplaşaraq repertuarlarındakı maraqlı nümunələri göstərəcəklər.
Proqrama əsasən, 13 iyun saat 12:00-da Azərbaycan Dövlət Kukla Teatrında açılış mərasimi keçiriləcək. Daha sonra Gəncə Dövlət Kukla Teatrı “Ana qaz” tamaşasını nümayiş etdirəcək.
