Gəncədə Yeni Azərbaycan Partiyasının konfransı keçirilib. Bu haqda 23 dekabr tarixində Gəncə şəhər İcra Hakimiyyəti məlumat paylaşıb.
"İlham Əliyev: davamlı inkişaf modelinin müəllifi" adlanan tədbirdə İcra Hakimiyyəti başçısının müavini Adil Tağıyev, Milli Məclisin deputatı, YAP İdarə Heyətinin üzvü Pərvin Kərimzadə, idarə müəssisə və təşkilat rəhbərləri, partiya fəalları iştirak ediblər. Qonaqlar "44 günlük Zəfər salnaməsi" adlı sənədli film izləyiblər. YAP Gəncə şəhər təşkilatının Aparat rəhbəri Orxan Əhmədov İlham Əliyevin Vətən müharibəsindəki böyük rolundan danışıb.
Konfransda Gəncə Tibb Kollecinin direktoru Mehman Rzayev "İlham Əliyev və səhiyyənin inkişafı", professor Həsənbala Sadıqov "İlham Əliyev: Zəfər və qəhrəmanlıq simvolu", professor Azad Bayramov "İlham Əliyevin uğurlu təhsil siyasəti", YAP Gəncə şəhər təşkilatının sədr müavini Elnur Həsənov "İlham Əliyev gənclərin ən böyük dostu və himayədarıdır" mövzularında çıxışlar ediblər.
