Gəncədə yerləşən 2 saylı İstintaq Təcridxanasına narkotik keçirməsinə cəhd göstərilib. Bu haqda 17 mart tarixində Report.az-a istinadən xəbər veririk.
Ədliyyə Nazirliyi Penitensiar Xidmətinin əməliyyat aparatının həyata keçirdiyi əməliyyat-axtarış tədbirləri nəticəsində 2 saylı İstintaq Təcridxanasına psixotrop maddənin keçirilməsi cəhdinin qarşısı alınıb.
Narkotik vasitələrin və psixotrop maddələrin qanunsuz dövriyyəsi ilə əlaqədar həbs edilən şəxsin əmisi oğlu tərəfindən gətirilən sovqata baxış keçirilən zaman orada olan bişirilmiş toyuq ətinin içərisində xüsusi üsulla gizlədilmiş ümumi çəkisi 0,320 qram olan psixatrop maddə - metamfetamin aşkar edilib.
Faktla bağlı araşdırma aparılır.
