Gəncədə açıq səma altında kompleks yaradılacaq. Erməni vandalizmi əyani şəkildə nümayiş etdirilib. Bu haqda 1 dekabr tarixində APA-ya istinadən xəbər veririk.
"Erməni vandalizminin nəticələrinin əyani şəkildə nümayiş etdirilməsi məqsədilə Gəncə şəhərinə endirilən raket zərbələri nəticəsində yaranan dağıntılar əsasında açıq səma altında kompleksin yaradılması planlaşdırılır" - bu barədə Mədəniyyət Nazirliyindən bildirilib.
Qeyd edək ki, sözügedən məsələ ilə bağlı yerli və xarici ekspertlər tərəfindən müvafiq konsepsiyasının hazırlanması istiqamətində işlər aparılır.
