Gəncə İş Adamları (GİA) İctimai Birliyi Bakıda səfərdə olub. Bu haqda GİA 6 dekabr tarixində məlumat paylaşıb.
Birliyin idarə heyəti UNEC İqtisadi Forumunda iştirak ediblər. Burada müxtəlif mövzular ətrafında iqtisadi, psixoloji, sosial-mədəni və digər sahələrdə müzakirələr aparılıb. Forum çərçivəsində rəsm sərgisi, şəhər gəzintisi, elm adamları ilə görüşlər və s. kimi tədbirlər keçirilib.
Qeyd edək ki, tədbirdə akademiklər, Nobel mükafatı laureatları Məhəmməd Yunus və Aziz Sancar, iri özəl və dövlət təşkilatların rəhbərləri, yerli və beynəlxalq peşəkarlar və digər sənaye ekspertləri məruzələrlə çıxış ediblər.
