Cari tədris ili üçün fənn olimpiadalarının respublika mərhələsinin yarımfinal turu keçirilib.
Gencexeber.az məlumat verir ki, Gəncə-Daşkəsən Regional Təhsil İdarəsi üzrə yarımfinal turu 7 fənn olmaqla 2 mərkəzdə təşkil edilib. Yarımfinal mərhələsində ümumilikdə 867 nəfər şagird iştirak edib.
Olimpiada Azərbaycan dili və ədəbiyyatı, riyaziyyat, fizika, kimya, biologiya, tarix və coğrafiya fənləri üzrə keçirilib.
Respublika mərhələsinin yarımfinal turunun nəticələri www.portal.edu.az, www.olimpiada.edu.az saytlarında və iştirakçıların təhsil aldıqları ümumi təhsil müəssisələrində elan olunacaq.
