Hərbi cinayətlərdə təqsirləndirilən erməniəsilli şəxslərin məhkəməsi təxirə salınıb.
Azertag.аz xəbər verir ki, növbəti məhkəmə prosesi fevralın 27-də keçiriləcək.
Proses hava şəraitinə görə keçirilməyib.
Təqsirləndirilənlər sırasında Ermənistan Respublikasının vətəndaşları Araik Arutyunyan, Arkadi Qukasyan, Bako Sahakyan, Davit İşxanyan, Davit Babayan, Lyova Mnatsakanyan və digərləri var.
Onlar Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və adətlərini pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə günahkar bilinirlər.
