Gəncədə qanun pozuntusu edən şəxs cərimələnib. Bu haqda 18 iyul tarixində Ekologiya və Təbii Sərvətlər Nazirliyinə istinadən məlumat veririk.
Dövlət Ekoloji Təhlükəsizlik Xidmətinin əməkdaşları tərəfindən növbəti nəzarət tədbirləri keçirilib. Nəticədə Ələkbər bəy Rəfibəyli küçəsində yerləşən “Gəncə Ekspress” ASC-nin ərazisində tullantıların qalaqlanaraq yandırılıması faktı müəyyən edilib.
Xidmət rəsmisi Xaliq Mirzəyevin sözlərinə görə, araşdırma zamanı tullantıların müəssisənin həyətində yerləşən rəngsaz sexində işləyən Tural İsmayılov tərəfindən yandırıldığı məlum olub. Faktla bağlı akt, protokol tərtib edilib və İsmayılov barəsində qanunamüvafiq tədbir görülüb.
Həmçinin bildirilib ki, əraziyə cavabdeh “Gəncə Ekspress” ASC-nin İdarə heyətinin sədri Eltac Əliyevə ərazinin təmizliyinə nəzarət olunması ilə bağlı ciddi xəbərdarlıq olunub, rəngsaz sexinin rəhbərliyinə isə belə halların təkrarlanmaması üçün məcburi göstəriş verilib.
