Dövlət Gömrük Komitəsi İdman-Sağlamlıq Mərkəzinin idmançısı Gəncədə keçirilən kütləvi qaçış yarışmasında medal qazanıb. Bu haqda 3 iyun tarixində Dövlət Gömrük Komitəsinə istinadən məlumat veririk.
Turnir ulu öndər Heydər Əliyevin anadan olmasının 100-cü ildönümünə həsr olunub. 11 km məsafəni əhatə edən yürüşdə mərkəzin idmançısı Samir Hüseynov yarışın gümüş medalına layiq görülüb. O, finişə 44 dəqiqəyə çatıb.
Samir Hüseynov 10 km məsafəyə qaçış üzrə ölkə üçüncüsüdür.
Qeyd edək ki, Gənclər və İdman Nazirliyi və Gəncə Şəhər İcra Hakimiyyətinin dəstəyi ilə keçirilən yarışda 200-dək iştirakçı mübarizə aparıb.
