Gəncədə vətəndaş qəbulu baş tutacaq. Bu haqda 13 iyul tarixində Dövlət Məşğulluq Agentliyinə istinadən məlumat veririk.
Dövlət Məşğulluq Agentliyinin İdarə Heyətinin sədri Mustafa Abbasbəyli Nizami yurduna səfər edəcək. O, 21 iyul saat 11:00-da Heydər Əliyev Mərkəzində sakinlərlə görüşəcək. Qəbulda vətəndaşların işlə təmin olunma, özünüməşğulluq proqramından yararlanma, ictimai işlər, peşə hazırlığı kursları və qurumun fəaliyyətinə aid digər məsələlərlə bağlı müraciətlər cavablandırılacaq.
Qeydiyyatdan keçmək üçün 18 iyul saat 14:00-dək 022-255-10-69; (012) 596 43 05 telefon nömrələrinə zəng etmək və ya dma@sosial.gov.az elektron poçt ünvanına məktub göndərmək lazımdır. Şəhid ailəsi üzvləri, müharibə əlilləri, eləcə də digər imtiyazlı şəxslər növbədənkənar qəbul ediləcəklər.
