Bərdədə qadın uşaqlarının qarşısında ərini 5 dəfə bıçaqlayıb.
Gencexeber.az-ın məlumatına görə, hadisənin istintaqı Gəncə Ağır Cinayətlər Məhkəməsində keçirilib.
Belə ki, təqsirləndirilən Aysu Çərkəzli 2014-cü ilin noyabr ayında zərərçəkmiş Nurlan Çərkəzli ilə rəsmi nikaha daxil olub. Qadın bir gün “Facebook”da “Nuray Mehdiyeva” adlı saxta hesab yaradaraq Fərid adlı oğlanla danışmağa başlayıb. Ona subay olduğunu, diş həkimi işlədiyini desə də, Fəridin etdiyi gözlənilməz telefon zəngi hər şeyi ortaya çıxarıb. Həmin gün Aysu həyat yoldaşı Nurlan Çərkəzli tərəfindən 2-3 saat fasilələrlə döyülüb.
Hadisə baş verən günə qədər ölümlə hədələnən Aysu keçirdiyi kəskin stress nəticəsində pataloji affekt halına düşüb. Bununla da ərindən qisas alıb, öldürmək qərarına gəlib.
Hadisə baş verdiyi gün yaşadıqları evin qonaq otağında sərxoş vəziyyətdə olan Nurlan ərini azyaşlı övladının gözü qarşısında 5 dəfə bıçaqlayıb.
Aysu Çərkəzli Cinayət Məcəlləsinin 120.2.4-cü (xüsusi amansızlıqla həyatdan məhrum etmə) maddəsi ilə ittiham edilib.
Məhkəmədə verilən ifadələrdən məlum olur ki, Aysunun xəyanəti ortaya çıxdığı gündən hadisə anına qədər daim ailədaxili zorakılığa məruz qalıb. Hadisə baş verən gecə isə Nurlan spirtli içki qəbul etdikdən sonra həyat yoldaşını hədələməyə başlayıb:
“Səni öldürməyin vaxtı çatdı, get bıçağı gətir”.Öldürüləcəyi qorxusu ilə qalan Aysu həmin anda psixi gərginlik yaşayıb. Mətbəxdən bıçaq gətirib və nəticədə həyat yoldaşına ölümcül zərbələr endirib.
Hadisə şahidi olan üç azyaşlı uşağın məhkəmədə verdiyi ifadələr Aysunun təzyiqlər altında olduğunu sübut edib.
Məhkəmədə aparılan istintaqla Aysu Çərkəzlinin həyat yoldaşı Nurlan Çərkəzlini qəsdən öldürsə də, bu əməli anlaqsız vəziyyətdə törətdiyi müəyyən olunub və o, cinayət məsuliyyətindən azad edilib.
Fidan İlqar
