Daşkənd Dövlət Aqrar Universiteti ilə qarşılıqlı əməkdaşlıq müqaviləsi əsasında dəvət olunan bir qrup əməkdaşı Azərbaycan Dövlət Aqrar Universitetində (ADAU) səfərdə olub.
Gencexeber.az məlumat verir ki, Daşkənd Dövlət Aqrar Universitetinin Bitkiçilik və toxumçuluq kafedrasının dosenti, aqrar elmlər üzrə fəlsəfə doktoru Nazarov Xudayberdi Kuydimuratoviç, Kənd təsərrüfatı texnikalarının mexanikləşdirilməsi və avtomatlaşdırılması kafedrasının dosenti, texnika üzrə fəlsəfə doktoru Mirzəqocayev Şerxodxuja Şoxruxoviç, Bitki mühafizə və karantin kafedrasının professoru, aqrar elmlər üzrə fəlsəfə doktoru Nəsirova Zərifəxan və Baramaçılıq və tutçuluq kafedrasının dosenti, aqrar elmlər üzrə fəlsəfə doktoru Mirzəyeva Yorkinoy nümayəndə heyətinin tərkibində iştirak ediblər.
Səfər çərçivəsində Aqronomluq, Mühəndislik və Zoomühəndislik fakültələrində professor-müəllim heyətinə və magistr tələbələri üçün bir sıra ixtisaslaşmış seminarlar təşkil olunub.
Bu səfər iki ali təhsil müəssisəsi arasında elmi-pedaqoji əlaqələrin gücləndirilməsi, təcrübə mübadiləsinin genişləndirilməsi və ortaq layihələrin reallaşdırılması baxımından vacib əhəmiyyət daşıyır.
