Daşkəsəndə avtomat tapılıb.
Gencexber.az-a Daxili İşlər Nazirliyinin (DİN) Mətbuat Xidmətinin Gəncə regional qrupunun baş inspektoru Eşqin Qasımov tərəfindən verilən məlumata görə, Daşkəsən Rayon Polis Şöbəsinə rayon ərazisində silah-sursat olması barədə məlumat daxil olub.
Həmin ünvandan avtomat, daraq və 228 ədəd patron aşkarlanıb. Maddi sübutlar ekspertizaya təqdim olunub.
Bundan başqa, polis əməkdaşları tərəfindən son 1 həftə ərzində rayon ərazisində keçirilən profilaktik tədbirlər nəticəsində 5 ədəd müvafiq sənədləri olmayan ov silahı könüllü polisə təhvil verilib.
