Dağlıq rayonlarda 13 dərəcəyədək şaxta olub.
Gencexeber.az-a bu barədə Milli Hidrometeorologiya Xidmətindən məlumat verilib.
Bildirilib ki, fevralın 20-si saat 9:00-a olan məlumata əsasən, ölkə ərazisində yağıntılı və küləkli hava şəraiti müşahidə olunur.
Yağan qarın hündürlüyü Gədəbəydə 8, Ağstafa, Daşkəsəndə 1 sm-dir.
Düşən yağıntının miqdarı Şəmkir və Tovuzda 1 mm-dək olub.
Şimal-qərb küləyi əsir.
Daşkəsən, Gədəbəy, Göygöl, Şəmkirə duman müşahidə olunub. Görünüş məsafəsi 50-500 metrədək məhdudlaşıb.
Havanın minimal temperaturu Aran rayonlarında 5 dərəcəyədək isti, dağlıq rayonlarda isə 13 dərəcəyədək şaxta qeydə alınıb.
