Gəncədən növbəti yardım karvanı Türkiyəyə yola düşüb. Bu haqda 15 fevral tarixində Apa-ya istinadən məlumat veririk.
Neftçala, Salyan, Saatlı, Hacıqabul, Masallı, Qusar, Ağsu, Şamaxı, İsmayıllı, Qobustan, Siyəzən, Xızı, Şabrandan göndərilmiş yardımlar Türkiyənin Gəncədəki Baş Konsulluğunun xətti ilə 7 TIR-la bir qədər əvvəl yola salınıb. Burada ümumilikdə 70.695 kiloqram yük olub.
Sayca dördüncü olan karvanla, əsasən, generatorlar, isidicilər, yorğan-döşək, çarpayılar, geyim, ərzaq və tibbi ləvazimatlar göndərilib.
Qeyd edək ki, ötən həftənin sonundan başlayaraq, Gəncədəki yardım toplama mərkəzindən ümumilikdə 33 TIR humanitar yardım qardaş ölkəyə yola salınıb. Yardımlar şəhər və rayon icra hakimiyyətlərinin və sakinlərin təşəbbüsü ilə toplanıb.
