Gəncədə bir sıra obyektlərdə qayda pozuntuları üzə çıxıb. Bu haqda 29 mart tarixində AQTA-ya istinadən məlumat veririk.
AQTA müfəttişləri ictimai iaşə müəssisələrinə baxış keçiriblər. Yoxlama nəticəsində nöqsanlar aşkar edilən obyektlər aşağıdakılardır:
- Təbriz küçəsi, "Halal Dönər" dönər evi – qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;
- Ü.Hacıbəyli və S.Şirazi küçələrinin kəsişməsi, "Dost Qapısı" restoranı – baytarlıq şəhadətnaməsi və ya arayışı olmayan heyvan mənşəli məhsulların qəbulu;
- P.Səmədov və H.Əliyev küçələrinin kəsişməsi, "Polad" kafesi – baytarlıq şəhadətnaməsi və ya arayışı olmayan heyvan mənşəli məhsulların qəbulu;
- Gülüstan qəsəbəsi, "Kübar" restoranı – baytarlıq şəhadətnaməsi və ya arayışı olmayan heyvan mənşəli məhsulların qəbulu.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.
